මොනරාගල, හුළංදාව ප්රදේශයේදී අකුරේගොඩ ද්විත්ව ඝාතනයේ දෙවැනි වෙඩික්කරු බවට සැකකෙරෙන පුද්ගලයෙකු අත්අඩංගුවට ගෙන ඇතැයි වාර්තා වේ.
මොනරාගල, පොලීසිය මගින් සිදුකළ විශේෂ විමර්ශනයකදී මෙම සැකකරු අත්අඩංගුවට ගෙන ඇත.
ඒ අනුව, අත්අඩංගුවට ගත් මෙම සැකකරු මේ වනවිට පොලීසියේ රඳවාගෙනෙ වැඩිදුර ප්රශ්නකිරීමේ කටයුතු සිදුකරමින් සිටින බව පැවසේ.
මෙම සැකකරු අකුරේගොඩ ද්විත්ව ඝාතනයට සම්බන්ධ දෙවන වෙඩික්කරුද යන්න පිළිබඳව මුහුණු හඳුනාගැනීමේ අවේක්ෂණ පද්ධතිය ඔස්සේ වැඩිදුර විමර්ශන ක්රියාත්මක කර ඇතැයි ද වාර්තා වේ.
මේ අතර මෙම ඝාතනය සිද්ධිය සම්බන්ධයෙන් තවත් වෙඩික්කරුවෙකු අම්බලන්ගොඩ ප්රදේශයේ දී පසුගියදා අත්අඩංගුවට ගෙන අධිකරණයට ඉදිරිපත් කිරීමෙන් අනතුරුව දින 90ක රැඳවුම් නියෝග ලබා ගෙන තිබේ.
එහිදී අත්අඩංගුවට ගෙන ඇත්තේ ටී 56 වර්ගයේ ගිනි අවිය මගින් වෙඩිතැබීම සිදුකළ පුද්ගලයා බවද පැවසේ.
එම සැකකරු හමුදාවෙන් පළාගිය අයෙකු බවට ද තොරතුරු අනාවරණය වී ඇති බව සඳහන්ය.
පසුගිය 13 වනදා අකුරේගොඩ ප්රදේශයේ පිහිටි සුපිරි වෙළෙඳසැලක රථගාලක මෝටර් රථයක සිටි නීතිඥවරයෙකු සහ ඔහුගේ බිරිඳ වෙඩික්කරුවන් දෙදෙනකු විසින් වෙඩි තබා ඝාතනය කෙරුණි.
වෙඩික්කරුවකු මෙම වෙඩි ප්රහාරයට පෙර පන්නිපිටියේ නවාතැන්පලට රැගෙන ආ පුද්ගලයෙකු තායිලන්තයට පලාගොස් ඇති බව වාර්තා වෙයි.
මෙම ඝාතනයට ආධාර අනුබල දීමේ චෝදනාව මත පසුගිය 16 සහ 17 යන දිනවලදී කහතුඩුව පොලිස් වසමේදී පුද්ගලයින් තිදෙනෙකු පොලිසිය විසින් මීට පෙර අත්අඩංගුවට ගෙන තිබුණි.
මේ අතර අකුරේගොඩ පිහිටි සුපිරි වෙළෙඳසැලක රථ ගාලේදී නීතීඥවරයෙකු සහ ඔහුගේ බිරිඳ වෙඩි තබා ඝාතනය කිරීමේ සිද්ධිය සම්බන්ධ විමර්ශන කටයුතු සියයට 80ක් පමණ මේ වන විට අවසන් කර ඇති බව පොලීසිය පවසයි.
Saru News
