වෛද්‍ය කර්මය සඳහා වූ පරිපූරක වෘත්තීන්ගේ සේවාවට අයත් වෛද්‍ය රසායනාගාර කාර්මික විද්‍යාඥ සහ භෞත චිකිත්සක යන තනතුරුවල අනුස්ථාපන හා සමායෝජන පාඨමාලාවන් සඳහා උපාධිධාරීන් බඳවා ගැනීමේ (2024) තරඟ විභාගය 2025.04.27 වන ඉරු දින පැවැත්වීමට සෞඛ්‍ය හා ජනමාධ්‍ය අමාත්‍යාංශයේ විභාග ශාඛාව කටයුතු කර ඇති බව සෞඛ්‍ය හා ජනමාධ්‍ය අමාත්‍යාංශයේ අතිරේක ලේකම් (පාලන II) චාමික එච්. ගමගේ මහතා සඳහන් කරනවා.
මේ වන විට ඉල්ලුම් කරන ලද සුදුසුකම් ලත් අයදුම්කරුවන් වෙත අදාල ප්‍රවේශ පත්‍ර නිකුත් කර ඇති බවයි ඒ මහතා වැඩිදුරටත් අවධාරණය කළේ.
මෙම තරඟ විභාගය සඳහා සුදුසුකම් ලත් අයදුම්කරුවන් 600 කට අධික සංඛ්‍යාවක් වන අතර, කොළඹ හෙද විදුහල, කඳාන හෙද විදුහල, කොළඹ පශ්චාත් හෙද විදුහල, කාසල්වීදිය කාන්තා රෝහල විභාග මධ්‍යස්ථාන වේ.
මේ පිළිබඳ වැඩිදුර තොරතුරු සෞඛ්‍ය අමාත්‍යාංශයේ www.health.gov.lk වෙබ් අඩවිය ඔස්සේ ද ලබාගත හැකියි.
Saru FM Media
