ඊශ්රායලය විසින් එල්ල කරන ලද ප්රහාරයකට ප්රතිප්රහාරයක් ලෙස ඉරානය දිගින් දිගටම කටාර් රාජ්යයට ප්රහාර එල්ල කරන්නේ නම්, ඉරානයේ පිහිටි ලොව විශාලතම වායු නිධිය වන ‘සවුත් පාර්ස්’ South Pars නිධිය දැවැන්ත ලෙස පුපුරුවා හරින බවට අමෙරිකානු ජනාධිපති ඩොනල්ඩ් ට්රම්ප් අනතුරු අඟවා තිබේ.
මැද පෙරදිග සිදුව ඇති දේ පිළිබඳ කෝපයෙන් ඊශ්රායලය, ඉරානයේ සවුත් පාර්ස් නම් ප්රධාන වායු නිධියට ප්රචණ්ඩ ලෙස පහර දී ඇති බවත්, එම ප්රහාරය පිළිබඳව අමෙරිකා එක්සත් ජනපදය කිසිවක් දැන නොසිටි බවත් ඇමරිකානු ජනාධිපතිවරයා විසින් ප්රකාශ කර තිබේ.
ඉරානය නැවතත් අහිංසක පාර්ශ්වයකට පහර නොදෙන්නේ නම් ඊශ්රායලය නැවත එම වායු නිධියට පහර නොදෙනු ඇති බවත්, ඉරානය නැවත පහර දුනහොත් ඊශ්රායලයේ සහය ඇතිව හෝ නැතිව අමෙරිකා එක්සත් ජනපදය විසින් සමස්ත සවුත් පාර්ස් වායු නිධිය පුපුරුවා හරින බව ට්රම්ප් විසින් අනතුරු අඟවා තිබේ.
හෙතෙම වැඩිදුරටත් සඳහන් කර ඇත්තේ එම පුපුරුවා හැරීම, ඉරානය මින් පෙර කවදාවත් දැක හෝ අත්විඳ නොමැති තරමේ දැවැන්ත ශක්තියකින් සහ බලයකින් යුක්ත වූවක් වන බවය.
Saru News
