රාජ්ය නැකැත් සීට්ටුව අද (17) මහනාහිමිවරුන් වෙත ඉදිරිපත් කර අනතුරුව මහජනතාව වෙනුවෙන් එළිදැක්වන බවත් බුද්ධශාසන සංස්කෘතික හා ආගමික කටයුතු අමාත්ය හිනිදුම සුනිල් සෙනෙවි මහතා පවසයි.
සිංහල දෙමළ අලුත් අවුරුද්ද සඳහා ඒකාබද්ධ අලුත් අවුරුදු නැකැත් සීට්ටුවක් ප්රකාශයට පත් කිරීමට නැකැත් කණ්ඩායමවල එකඟතාව පළවූ බව අමාත්යවරයා ඊයේ (16) දිනයේ විශේෂ මාධ්ය හමුවකට එක්වෙමින් පැවසීය.
මෙහිදී වැඩිදුරටත් අදහස් දැක්වූ අමාත්යවරයා,
“මීට කලිනුත් සංස්කෘතික කටයුතු දෙපාර්තමේන්තුව හෙළිකර තිබූ පරිදි මේ පිළිබඳ යම් කාලයක් පුරා මේ සාකච්ඡා පැවැත්වුණා. ප්රධාන වශයෙන් කණ්ඩායම් දෙකක් දීර්ඝව සහභාගි වුණා. මේ අතර බොහොම සුප්රකට ලිත් පළකරන කණ්ඩායමක් සහ ඊට පරිබාහිර කණ්ඩායමකුත් හිටියා. මේ පිළිබඳ සෑහෙන කාලයක් පුරා අපි සාකච්ඡා පවත්වනු ලැබුවා.
ශ්රී ලංකාවේ නැකැත් මුල් කරගෙන තමන්ගේ ජන ජීවිතය ගත කරන ආදරණීය ජනතාවක් වගේම ආගම දහම මුල් මුල්කරගෙන ජීවත්වෙන ජන ප්රජාවක් සිටිනවා. ඒ නිසා රජයගේ වගකීම වන්නේ ඒ අයගේ විශ්වාසයන්ට ගරු කරලා ඒවා සුරක්ෂා වෙන ආකාරයට ඇවතුම් පැවතුම් ඉදිරියට ගෙනයන්න පුළුවන් විදිහට ජනතාවට ඒ පහසුකම් සලසා දීමයි. අප ඉතාම ඉවසීමෙන් මේ සියලු සාකච්ඡා මෙහෙයවූයේ මේ පරම වුවමනාව මුල් කරගෙනයි. ඒ අනුව පසුගිය සාකච්ඡා වාර හතරකින් පසු අවසන් සාකච්ඡාවකට එළඹෙන්න පුළුවන්කම ලැබුණා.
රජය හැටියට මගේ ගෞරවය ප්රධාන කණ්ඩායම් දෙකටම හිමිකරන්න කැමතියි. අපේ රටේ ජනතාව අවිනිශ්චිතතාවකට පත් කරන්නේ නැතුව තමන්ගේ රුචි අරුචිකම් සහ නැකැත් අනුව සංස්කෘතික මූලධර්ම අනුව කටයුතු කිරීමට අවස්ථාව සැලසෙන ආකාරයට ඒකාබද්ධ නැකැත් සීට්ටුවක් සකස් කරලා දෙන්න ගෞරවනීය කණ්ඩායම් දෙකම එකඟ වුණා. ඒ අනුව අලුත් අවුරුද්ද සම්බන්ධයෙන් රාජ්ය නැකැත් සීට්ටුව ලෙස ඒකාබද්ධ නැකැත් සීට්ටුවක් ජනතාවට භාර දෙන්න කැමති වුණා. එබඳු එකඟතාවකට පැමිණීම පිළිබඳ ඒ කණ්ඩායම් දෙකටම අපේ ගෞරවය අප පළ කරනවා.
තම තමන්ගේ ශාස්ත්ර ඥානය, කාලාන්තරයක් තිස්සේ කළ පර්යේෂණ සියලු දේවල් දරාගෙන සමහර කාරණාවලට අඩු වැඩි වශයෙන් එකඟතා සහ වාද විවාද තිබුණා. නමුත් ඒ අය ඉතාම ගෞරවනීය විදිහට අපේ රටේ ආදරණීය ජනතාවට ඒකාබද්ධ අලුත් අවුරුදු නැකැත් සීට්ටුවක් ප්රදානය කරලා දෙන්න කැමති වුණා.”
📌 සබැඳි පුවත්
Saru News
