ඉන්දීය ප්‍රීමියර් ලීග් තරගාවලියේ රාජස්ථාන් රෝයල්ස් කණ්ඩායම පරදවා ලකුණු 58ක ජයක් ලබන්නට ගුජරාට් ටයිටන්ස් කණ්ඩායම ඊයේ (09) සමත් වුණා.
තරගය අහමදාබාද් හි දී ආරම්භ වූ අතර පළමු ව පන්දුවට පහර දුන් ටයිටන්ස් පිල කඩුලු 06ක් දැවී ලකුණු 217ක් ලබාගත්තා.
විශිෂ්ට ඉනිමක් ක්‍රීඩා කළ සායි සුදර්ශන් ලකුණු 82ක් රැස් කළා.
ජොස් බට්ලර් හා ශාරුක් ඛාන් ලකුණු 36 බැගින් රැස් කරමින් සිය කණ්ඩායමේ ලකුණු පුවරුව ශක්තිමත් කිරීමට සමත් වුණා.
කඩුලු බිඳ දැමීමේ දී මහීෂ් තීක්ෂණ සහ ටුෂාර් දේශපාන්ඩේ කඩුලු දෙක බැගින් සහ එක් කඩුල්ල බැගින් සංදීප් ශර්මා සහ ආර්චර් විසින් බිඳ හෙලනු ලැබුවා.
ජයග්‍රහණයට ලකුණු 218ක ඉලක්කයක් හඹා ගිය රාජස්ථාන් කණ්ඩායමට සියලු දෙනා දැවී ලබාගත හැකි වූයේ ලකුණු 159ක් පමණයි.
ප්‍රසිද්ධ් ක්‍රිෂ්ණා ලකුණු 24කට කඩුලු 03ක් බිඳ දැමුවා.
රෂීඩ් ඛාන් හා සායි කිෂෝරෙ නමින් කඩුලු දෙක බැගින් ලියැවුණු අතර එක් කඩුල්ලක් බැගින් කුල්වන්ත්, අර්ෂද් ඛාන් සහ මොහොමඩ් සිරාජ්ට හිමිවුණා.
ඒ අනුව ගුජරාට් කණ්ඩායම මෙම තරග ජයත් සමග පැවති තරග 05න් 04ක් ම ජය ගෙන ප්‍රසාද ලකුණු සටහනේ මුලසුන ගැනීමට සමත් ව සිටිනවා.
මේ අතර අද (10) රාත්‍රියේ දී තවත් තීරණාත්මක තරගයක් පැවැත්වෙනවා.
ඒ රෝයල්ස් චැලෙන්ජර්ස් බැංග්ලෝර් සහ දිල්ලි කැපිටල්ස් අතර යි.
Saru FM Media
