සිය බිරිඳ ඝාතනය කරන පලා ගිය බව කියන සැමියෙකු අත්අඩංගුවට ගැනීම සඳහා මාරවිල පොලීසිය විශේෂ විමර්ශනයක් ආරම්භ කර තිබේ.
මෙලෙස ඝාතනයට ලක්ව ඇත්තේ, මරාවිල, කටුනේරිය – බෑන්කඩ ප්රදේශයේ පදිංචි 44 හැවිරිදි කාන්තාවක් බව පොලීසිය සඳහන් කරයි.
නිවසක සිදුව ඇති ඝාතනයක් සම්බන්ධයෙන් ඊයේ (01) රාත්රී 11.40ට පමණ පොලිස් හදිසි ඇමතුම් අංකයට තොරතුරක් ලැබී තිබුණි.
ඒ අනුව සිදුකළ විමර්ශනයකදී මිය ගිය කාන්තාවගේ මළ සිරුර නිවසේ නිදන කාමරයේ තිබී සොයාගෙන ඇත.
පවුල් ආරවුලක් මත මෙම ඝාතනය සිදු වන්නට ඇතැයි පොලීසිය සැක පළ කරයි.
සැමියා විසින් තම බිරිඳගේ ගෙල පිහියකින් කපා ඝාතනය කර ඇති බවත් මේ වනවිට සැකකරු ප්රදේශයෙන් පලා ගොස් ඇති බවත් පොලීසිය වැඩිදුරටත් කීය.
මෙම අපරාධය සම්බන්ධයෙන් මහේස්ත්රාත් පරීක්ෂණය සිදු කිරීමට නියමිතව ඇත.
මාරවිල පොලීසිය විසින් වැඩිදුර විමර්ශන ක්රියාත්මක කරනු ලබයි.
Saru News
