නිරෝගී ලස්සන කෙස් කළඹක් කියන්නෙ බොහෝ යුවතියන්ගෙ සිහිනයක්. නමුත් විවිධ හේතු නිසා හිසකෙස් ගැලවී යාම නිසා බොහෝ දෙනෙක් පීඩාවට පත් වෙනව. ඉතිං අපි අද හිතුවා මේ ගැන කතා කරන්න.
කාන්තාවන් ගේ හිස කෙස් ගැලවී යාම සාමාන්‍ය දෙයක්.වෛද්‍යවරුන් කියන්නෙ හිස කෙස් ගස් දිනකට 80ක් පමණ ගැලවී යනවා කියලා.හැබැයි ඊට වඩා වැඩි ප්‍රමාණයක් ඔබේ හිස කෙස් ගැලවෙනවා කියලා ඔබ හිතනවා නම් අන්න ඒ ගැන නම් සැලකිලිමත් විය යුතුයි.
අපි ඉක්මනට කොණ්ඩය වේලගන්න Hair Dryer පාවිච්චි කරනවා වගේම අපි විවිද කොණ්ඩ මෝස්තර දැමීමට සදහාත් (ස්ට්‍රේට්නර්,අයන්) වගේ දේවල් භාවිතා කරනවා. මේවැනි උපකරණ දීර්ඝ කාලයක් භාවිතා කරන එකෙන් අපේ හිසකෙස් වලට හානි වෙනවා.මේ
ශාරීරික හා මානසික ආතතිය හිසකෙස් වැටීමට හේතු වෙනවා.මෙයින් වන හානි වළක්වගන්න ඕන නම්,මානසික ආතතිය වළක්වා ගැනීම ඉතාම වැදගත්
වියළි, රළු හා කැඩෙනසුලු හිසකෙස් බොහෝ විට අධික ලෙස කොණ්ඩය රසායනිකයන්ට නිරාවරණය වීම නිසා ඇතිවෙනවා. හිසකෙස් colour කිරීම,ස්ට්‍රේට් කිරීම නිසා හිසකෙස් දුර්වල වෙනවා. දුර්වල වූ හිසකෙස් ඉතා ඉක්මනින් ගැලවී යන්න පුලුවන්.
ෂැම්පූ, කන්ඩිෂනර් සහ වෙනත් හිසකේ සත්කාරක නිෂ්පාදන මගින් හිස්කබලේ ස්වාභාවික pH සමතුලිතතාවය සහ හිසකෙස් දුර්වල වනවා.
තෙත් හිසකෙස් වහා බිඳෙන සුළු වන අතර පහසුවෙන් හානි විය හැකියි. තෙත් හිසකෙස් පීරීමෙන් හිසකෙස් පහසුවෙන් කැඩී යා හැකියි.
ඔබේ කොණ්ඩය වැරදි ලෙස හැඩගස්වා ගැනීමෙන් හිසකෙස් වලට හානි සිදුවිය හැකිය.බන් සහ පොනිටේල් වැනි තද කොණ්ඩා මෝස්තර මගින් හිසකෙස් මුල් ඇදී යාමෙන් හිසකෙස් වැටීම හා හිසකෙස් කැඩී යාම සිදුවේ. මෙය ඔබේ කොණ්ඩය අඩු කර තට්ටය ඇති වීමට මග පාදයි.
පෝෂණ ඌණතාවයන් හිසකෙස් වැටීමට හේතු වන අතර හිසකෙස්වල ගුණාත්මක භාවයට බලපායි.
• උණුසුම් ජලය ස්නානය.
• හිසකෙස් අධික ලෙස සේදීම
• වැරදි විදිහට සම්බාහනය කිරීම හෝ පීරීම
• තෙත් හිසකෙස් සමග නිදා ගැනීම හෝ ගැටගැසීම
මෙවැනි හේතු රාශියක් නිසා ඔබේ හිසකෙස් ගැලවී යන්න පුලුවන් . හිසකෙස් ගැලවී යාම නවතා ගන්න උත්සහ කරන ඔබට ඒ සදහා සුදුසුම සත්කාරය අපි අද කියනව. මේ සදහා අපි Vitamin E විශේෂයෙන් එකතු කර ගන්නව. මේය කොණ්ඩය ගැලවී යාම අවම කිරීමට අමතරව තවත් වාසි රැසක් ඔබට ලබා දෙන සත්කාරයක්.
මෙමෙ Vitamin E සත්කාරය මගින් දිගු වරලසක් ලබා ගන්න ඔබට පුලුවන් .
එමෙන්ම නිතර කැඩෙන කොණ්ඩයට මේ සත්කාරයේදී භාවිතා කරන ඔලිව් ඔයිල් සහ සුදු පොල් තෙල් නිසා හොඳ පෝෂණයක් ලැබෙනවා.
සත්කාරයෙදී එඩරු තෙල් භාවිතය නිසා සිහින් වූ කොණ්ඩය ගණකම් කර ගන්නත් ඔබට පුලුවන් .
Vitamin E capsule 4-5
ඔලිව් තෙල් තේ හැදි 3ක්
සුදු පොල් තෙල් තේ හැදි 3ක්
එඩරු තෙල් තේ හැදි 3ක්
තල තෙල් තේ හැදි 3ක්
පළමුව Vitamin E කැප්සියුල් 4ක් හෝ 5ක් රැගෙන ඒවා හොදින් හිසට දැමිය යුතුයි (scalp)
පසුව ඔලිව් ඔයිල් , සුදු පොල්තෙල් , එඬරු තෙල් , තල තෙල් ඇලුමිනියම් භාජනයකට දමාගෙන ඩබල් බොයිල් කරගත යුතුයි.(උණු වතුර දැමූ භාජනයක තෙල් සහිත භාජනය දමා රත් කර ගැනීම ඩබල් බොයිල් ලෙස හදුන්වනවා )
අනතුරුව හිස කෙස් කොටස් කොටස් වෙන් කරගෙන රත් කර ගත් තෙල් මිශ්‍රණය මුලින්ම ස්කැල්ප් එකට දාලා පසුව කෙස්ගස්වල හොදින් ආලේප කළ යුතුයි
පසුව විනාඩි 20ක් පමණ හිස හොදින් මසාජ් කර ගත යුතුයි.
ඉන්පසුව හොදින් උණු කර ගත් වතුරේ පොගවා ගත් ටවල් එකකින් හිස හොදින් ආවරණය වන පරිදි බැදගෙන විනාඩි 15ක් සිටිය යුතුයි.
පසුව ටවල් එක ඉවත් කර ටිකක් වෙලා තිබෙන්න හැර ෂැම්පු සහ කන්ඩිෂනර් යොදා හොදින් හිස සෝදාගෙන සාමාන්‍ය විදිහට වියළෙන්න ඉඩ දිය යුතුයි.
සතියකට දෙවරක් මෙම සත්කාරය සිදු කළ යුතුයි.
Hair Dryer භාවිතයෙන් හැකිතාක් ඉවත් විය යුතුයි.එමගින් කොන්ඩය අධික වියළි ස්වභාවයක් ගැනීම එයට හේතුවයි.
Saru FM Media
