කොළඹ LNW:පළාත් පාලන මැතිවරණයේදී නිදහස් මනසකින් යුතුව පැමිණ ඡන්දය භාවිතා කිරීමට කටයුතු කරන ලෙස මැතිවරණ කොමසාරිස් ජනරාල් සමන් ශ්‍රී රත්නායක මහතා පවසයි.
පළාත් පාලන ආයතනයකින් සිදුවන කාර්යභාරය ගැන අවබෝධයකින් යුතුව ඡන්දය භාවිතා කරන ලෙස ඡන්ද දායකයින්ගෙන් ඉල්ලා සිටින අතර ඡන්ද මධ්‍යස්ථානයට පැමිණීමෙන් අනතුරුව ඡායාරූප ගැනීම වැනි නීති විරෝධී ක්‍රියාවලින් වැළකී සිටින ලෙසද මැතිවරණ කොමසාරිස් ජනරාල්වරයා ඉල්ලා සිටියි.
මේ අතර ජන්ද ප්‍රකාශය කිරීම ගැන සමාජ මාධ්‍ය ජාලා තුළ ප්‍රචාරය කිරීමද නීති විරෝධී බව මැතිවරණ කොමිසමේ සභාපති ආර්.එම්.ඒ.එල්.රත්නායක මහතා කියාසිටියි.
ජන්ද පත්‍රිකාවේ දැක්වෙන්නේ පක්ෂ හා දේශපාලන පක්ෂ හා ස්වාධීන කණ්ඩායම් නම් සහ සලකුණු පමණක් වන හෙයින් තමන් ජන්දය ලබාදෙන පක්ෂය හෝ ස්වාධීන කණ්ඩායම දැක්වෙන සලකුණ ඉදිරියෙන් කතිරය ගැසීම පමණක් ප්‍රමාණවත් බවයි රත්නායක මහතා සඳහන් කරන්නේ.
ආශිකා බ්‍රාහ්මණ
Saru FM Media
