“දීගල සමන්” ගේ සුඛෝපභෝගී නිවසට තහනමක්

මත්ද්‍රව්‍ය ජාවාරම සම්බන්ධයෙන් මේවන විට බන්ධනාගාරගතව සිටින අජිත් පෙරේරා හෙවත් ‘දීගල සමන්’ නැමැත්තාගේ සුඛෝපභෝගී නිවසක් නීතිවිරෝධී වත්කම් විමර්ශන කොට්ඨාසය විසින් තහනම් කර තිබේ.

රුපියල් කෝටි දෙකකට අධික වටිනාකමකින් යුත් අදාළ නිවස පිහිටා ඇත්තේ, අවිස්සාවේල, දෙහිඕවිට ප්‍රදේශයේය.

පොලීසිය පැවසුවේ, එම නිවස ඔහුගේ අනියම් බිරිඳට මිලදීගෙන දී ඇති බවය.

සැකකරුට එම නිවස මිලදීගැනීම සඳහා මුදල් උපයාගත් ආකාරය පැහිදිලි කිරීම නොහැකිවීම හේතුවෙන් පොලීසිය සැකපලකරන්නේ එය මත්ද්‍රව්‍ය ජාවාරමෙන් උපයාගත් මුදලින් මිලදීගෙන ඇති බවයි.

ඒ අනුව අදාළ නිවස තහනම් කිරීමට කටයුතු කළ බවයි පොලිසිය  පවසයි.