ඉන්දීය ප්‍රීමියර් ලීග් තරගාවලියේ ප්‍රසාද ලකුණු සටහනේ පෙරමුණ ගන්නට ගුජරාට් ටයිටන්ස් කණ්ඩායම ඊයේ (19) සමත් වුණා.
ඒ ප්‍රතිවාදී දිල්ලි කැපිටල්ස් කණ්ඩායම පරාජයට පත් කරමින්.
තරගය පැවැත්වුණේ අහමදාබාද් හි දියි.
තරගයේ කාසියේ වාසිය දිනූ ගුජරාට් කණ්ඩායමේ ඇරයුමෙන් දිල්ලිවරුන් සිය පන්දුවාර 20 අවසානයේ කඩුලු 08ක් දැවී ලකුණු 203ක් රැස් කළා.
නායක අක්සාර් පටෙල් ලකුණු 39යි.
අෂුටොෂ් ශර්මා ලකුණු 37ක් සහ ලකුණු 31ක බැගින් කරුන් නයිර් සහ ට්‍රිස්ටන් ස්ටබ්ස් ලබා ගත්තා.
කඩුලු බිඳ හෙලීමේ දී ප්‍රසිද් ක්‍රිෂ්ණා කඩුලු 04ක් බිඳ හෙලූ අතර එක් කඩුල්ල බැගින් මොහොමඩ් සිරාජ්, අර්ෂඩ් ඛාන්, ඉෂාන්ට් ෂර්මා සහ සායි කිෂෝරේ විසින් බිඳ හෙලනු ලැබුවා.
ජයග්‍රහණයට ලකුණු 204ක ඉලක්කයක් හඹා ගිය ගුජරාට් කණ්ඩායම කඩුලු 03කින් තරගය ජය ගත්තා.
එහිදි නොදැවුණු ඉනිමක් ක්‍රීඩා කළ ජොස් බට්ල‍ර් ලකුණු 97* ක් රැස් කළා.
රදර්ෆර්ඩ් ලකුණු 43ක් සහ සායි සුදර්ශන ලකුණු 36ක් රැස් කළා.
මුකේෂ් කුමාර් සහ කුල්ඩීප් යාදඩ් එක් කඩුල්ල බැගින් බිඳ හෙලුවා.
මෙම තරගය ජය ගැනීමත් සමග ගුජරාට් කණ්ඩායම දිල්ලිවරුන් ප්‍රසාද ලකුණු පුවරුවේ දෙවැනි ස්ථානයට ඇද දැමීමට සමත් වුණා.
මේ අතර ඊයේ පැවැත්වුණු ලක්නව් සුපර් ජෑන්ට්ස් සහ රාජස්ථාන් රෝයල්ස් අතර තරගය කඩුලු 02කින් ජය ගන්නට ලක්නව්වරුන් සමත් වුණා.
ඒ ජයග්‍රහණය පෙනෙන මානයේ සිටි රාජස්ථාන්වරුන්ගේ නියමිත පන්දුවාර 20 ලකුණු 178ක දී කඩුලු 05කට සීමා කරමින්.
Saru FM Media
