අනිද්දා (18) දින සිට ආරම්භ වන මහනුවර ශ්‍රී දළඳා මාලිගාවේ දන්ත ධාතූන් වහන්සේ මහජනතාවට වැඳ පුඳා ගැනීමේ අවස්ථාව සඳහා එක්වීමට බලාපොරොත්තුවෙන් සිටින සියලු ම දෙනාට ඊට අවශ්‍ය දුම්රියන් සූදානම් කර තිබෙන බව ශ්‍රී ලංකා දුම් රිය දෙපාර්තමේන්තුව පවසනවා.
දුම්රිය සාමාන්‍ය අධිකාරී ධම්මික ජයසුන්දර මහතා පැවසුවේ දළඳා වැඳ පුඳා ගැනීමේ අවස්ථාව සඳහා පිටත්ව යන මගීන් හට අප්‍රේල් මස 18 වැනිදින අලුයම සිට දුම් රිය ක්‍රියාත්මක බවයි.
මීට අමතරව අවුරුදු සමයේ කැලිප්සෝ දුම්රියෙන් දිනකට රුපියල් මිලියන දෙක ඉක්ම වූ ආදායමක් ද උපයාගැනීමට ශ්‍රී ලංකා දුම් රිය දෙපාර්තමේන්තුවට හැකි ව තිබෙනවා.
දුම්රිය සාමාන්‍ය අධිකාරිවරයා අද (16) පෙරවරුවේ කොටුව දුම්රිය ස්ථානයේ නිරීක්ෂණ චාරිකාවකට එක්වීමෙන් අනතුරුව මාධ්‍ය වෙත අදහස් දැක්වූ අතර හෙතෙම වැඩිදුරටත් කියා සිටියේ ගම්බිම් බලා ගිය ජනතාවට නැවත පැමිණීමට විශේෂ දුම්රියන් සූදානම් බවයි.
Saru FM Media
