AI Impact 2026 සමුළුවට සහභාගි වීමට නවදිල්ලි නුවරට ගොස් සිටින ජනාධිපති අනුර දිසානායක සහ ඉන්දීය අගමැති නරේන්ද්ර මෝදි අතර හමුවක් අද (20) දහවල් නවදිල්ලි නුවර හයිද්රාබාද් මන්දිරයේ දී (Hyderabad House) සිදු විය.
ජනාධිපති අනුර දිසානායකව ඉතා මිත්රශීලිව පිළිගත් ඉන්දීය අගමැති, තම ආරාධනය පිළිගෙන AI Impact 2026 සමුළුවට සහභාගි වීම පිළිබඳ ස්තූතිය පළ කරමින් සුහද කතා බහක නිරත විය.
අනතුරුව නායක දෙපළ ද්විපාර්ශ්වික සාකච්ඡාවලට එක් වූ අතර ඉන්දු – ශ්රී ලංකා ඓතිහාසික සබඳතා තවදුරටත් ශක්තිමත් කර ගනිමින් දෙරට අතර ආර්ථික, වෙළෙඳ සහ සංස්කෘතික සහයෝගීතාව වර්ධනය කර ගැනීම පිළිබඳ නායකයෝ දීර්ඝ ලෙස සාකච්ඡා කළහ.
එමෙන්ම, දිට්වා සුළි කුණාටුව හමුවේ ශ්රී ලංකාවට ලබා දුන් සුවිශේෂී සහය පිළිබඳව මෙහිදී ජනාධිපති ඉන්දීය අගමැති වෙත සිය කෘතඥතාවද පළ කළේය.
5
Saru News
