ගැබිනි සමය බොහොමයක් දේ සඳහා සීමා පනවන කාලයක් විදියට ඇතැම් කාන්තාවන් හඳුන්වනවා කොතෙකුත් අසන්නට ලැබෙනවා. ඒ දැනෙන අපහසුතා සමග පෙර ගෙවූ නිදහස් ජීවිතය ගෙවීමට ඇති බාධා නිසා විය යුතුයි. ගැබිනි සමයේ මුල් කාලය තුළ වමනය, ඔක්කාරය, කෑම අරුචිය නිසා අපහසුතාවයට පත්ව සිටින කාන්තාවන් කාලය ගත කරන්නේ කළකිරුණු ස්වභායෙන් වෙන්නත් බැරි නැහැ. ඒ කොහොම වුණත් ගැබිනි සමයේ ලිංගික සබඳතා පැවැත්වීම දරුවාට යම් බලපෑමක් ඇති කරනවාද කියා දැන ගන්න අවශ්‍ය හැම කෙනෙක්ම වෙනුවෙන් මේ ලිපිය සකස් කරන්න අපි හිතුවා.
මවගේ කුස තුළ වැඩෙන දරු පැටියා එහිදී ආරක්‍ෂා වන්නේ කලලය වටා පිහිටි වැදෑමහ/අපරාව (Placenta) තුළ ඇති උල්බ තරලය (Amniotic fluid) හා ගර්භාෂ පේශී මගිනි. වෛද්‍ය අදහසට අනුව නම් සාමාන්‍ය තත්ත්වයේ සිටින ගැබිනි මවකට ලිංගික සබඳතා පැවැත්වීමේ ගැටලුවක් නැහැ වගේම එමගින් ගැබිනි මවට වාසි සහගත වටපිටාවක් සැලසෙනවා.
ගැබිනි සමයේ ලිංගික සබඳතා පැවැත්වීමේ වාසි
ගැබිනි සමයේ ලිංගික සබඳතා වෙනුවෙන් වෛද්‍ය උපදෙස් පැතිය යුතු අවස්ථා
විශේෂයෙන් ගර්භනීභාවයේ දෙවන ත්‍රෛමාසිකයේ ලිංගික සංසර්ගයේදී හෝමෝන නිදහස් වීම ඉක්මන් වේ. මෙම හෝමෝන මගින් ලිංගේන්ද්‍රියට එන රුධිර සැපයුම වැඩිවීමෙන් ලිංගික සංසර්ගයට ඇති කැමැත්ත වැඩි වේ. සමහර කාන්තාවන්ට හෝමෝනවල සිදුවන අඩු වැඩි වීම් නිසා ලිංගික කාර්යයට ඇති කැමැත්ත අඩු කරයි. තවද අපහසුතා ඇති වේ. ශක්ති මට්ටම පහළ යන අතර ශාරීරික වේදනා ඇති කරයි. සමහර අවස්ථාවලදී වේදනාව, පීඩාකාරී බව ලිංගික කටයුතුවලට ඇති කැමැත්ත අඩු කරයි. ලිංගික සංසර්ගය පිළිබඳව දෙදෙනාම කතා කළ යුතු අතර එය දෙදෙනාටම සුවපහසුව, සතුට ගෙන දෙන අවස්ථාවක් විය යුතුය.
ලිංගික සබඳතා මගින් ප‍්‍රසවය උත්තේජනය
ගැබිනි සමයේ ලිංගික සංසර්ගය සඳහා සුදුසු ස්ථාපිත
ගැබිනි සමයේ අවසාන මාසවලදී ගර්භණී උදරයට පීඩනයක් ඇති නොවන ස්ථාපිත තෝරාගත යුතුය.
මෙහිදී මුඛ සංසර්ගය ගර්භණී කාලය පුරාවටම භාවිත කළ හැකි ආරක්‍ෂිත ක‍්‍රමයකි. එසේ නමුත් සහකරු ගර්භණී කාන්තාවගේ යෝනි මාර්ගය තුළට වාතය (හුලං) පිඹීමෙන් වැළකිය යුතුය. එසේ වුවහොත් වායු නික්ඛිත්තයක් (air embolism) ඇති වී රුධිර වාහිනී අවහිර වේ. කලාතුරකින් මෙය මවට හා දරුවාට හානිකර විය හැක. ගුද මාර්ගයද භාවිතා කළ හැකි අතර ඒත් සමගම නැවත යෝනි මාර්ගය භාවිත කළ විට බැක්ටීරියා ආසාධන ඇති විය හැකිය. එවැනි කරුණු පිළිබඳව සැලකිලිමත් වීම ඉතා වැදගත් වේ.
ක්‍රිෂාන්ති ගංගා කුමාරිහාමි මහත්මිය හෙද නිලධාරිනි (1 ශ්‍රේණිය)
පළාත් මහා රෝහල, කුරුණෑගල
Saru FM Media
