පසුගිය පළමු වනදා ගල්කිස්ස පොලිස් වසමේ හුළුදාගොඩ මාර්ගයේ පාලු ඉඩමක් තුළ පුද්ගලයෙකු තියුණු ආයුධවලින් කපා කොටා ඝාතනය කිරීමේ සිද්ධියට සම්බන්ධ තවත් සැකකරුවන් තිදෙනෙක් අත්අඩංගුවට ගෙන තිබෙනවා.
මෙම සැකකරුවන් තිදෙනා ඊයේ (04) කොට්ටාව පොලිස් වසමේ මාකුඹුර අධිවේගි මාර්ග බස් නැවතුම්පල අසල දී අත්අඩංගුවට ගත් බවයි පොලිසිය සඳහන් කළේ.
මෙලෙස අත්අඩංගුවට ගැනුණු සැකකරුවන් තිදෙනා අවුරුදු 31, 32 සහ 34 යන වයස්වල පසුවන ගල්කිස්ස ප්‍රදේශයේ පදිංචිකරුවන් බවයි වාර්තා වන්නේ.
මෙම සැකකරුවන්ගෙන් අනාවරණය කර ගත් තොරතුරු මත අපරාධයට යොදාගත් කඩු 02ක් සහ ජංගම දුරකථනයක් සොයාගෙන තිබෙනවා.
මේ අතර මෙම ඝාතන සිද්ධියට ආධාර අනුබල දුන් සැකකරුවෙක් ගල්කිස්ස පොලීසිය විසින් පසුගිය දෙවනදා අලුයම අත්අඩංගුවට ගෙන තිබුණා.
සිද්ධිය සම්බන්ධයෙන් බස්නාහිර පළාත් දකුණු දිසා අපරාධ කොට්ඨාසය වැඩිදුර විමර්ශන සිදුකරනු ලබනවා.
Saru FM Media
