දැරියක් මල්වර වූ තැන පටන් ඔසප් වීම සාමාන්‍ය සංසිද්ධියක් වුනත් , ඔසප්වීම මුල් කර ගත් විවිධ සංකුලතාවයන් ගැන අම්මා දැනගැනීම ඉතාම වැදගත්. අද දියණියන් තබා ඇතැම් විවාහ වුන කාන්තාවන් පවා ඔසප්වීම ගැන නිවරැදි අවබෝධයක් නැහැ. ඔසප්වීම හා ඒ සමග සම්බන්ධ වුන ගැටලු ගැන යම් අවබෝධයක් ලබා ගැනීම ඉතාම වැදගත්. මේ පිලිබඳව අදහස් ඉදිරිපත් කරනු ලැබුවේ මහනුවර පරණ මාතලේ පාර ඩොලායෝ ආයුර්වේද මධ්‍යස්ථානයේ වෛද්‍ය නිළධාරිණී අයෝමි ශානිකා දොලපිහිල්ල (BAMS) මහත්මියයි.
ඔසප්වීම කැලැන්ඩර් චක්‍රය විදිහට නම් දින 28 ක රටාවකට සිද්ධ වෙනවා. මෙය ඇතැම් විට දින 28 සිට 30 ත් අතර වෙන්න පුලුවන්. චන්ද්‍ර මාසය අනුව මාසයකට දින 28 යි. දින 30 ක් වුනත් එය සාමාන්‍ය තත්වයක්. ඒත් දින 35 ක් තරම් පමාවක් වනවා නම් එය අනුමත කරන්න බැහැ.ඒ වගේම හමෝන අසමතුලිතතාවයක් සහ ඩිම්බමෝචනයේ ප්‍රමාදයන් නිසාත් ඔසප්වීම පමා වෙන්න පුලුවන්.
සාමාන්‍යයෙන් ඔසප්වීම වේදනාකාරී නැහැ. ඔසප්වීමට දින දෙක තුනකට පෙරාතුව අත් පා රිදීම, හිසරදය, ඔක්කාරය වගේ තත්වයන් ඇති වෙනවා. ඒ අපහසුතාවයන් ඔසප්වීම සමගම නැති වී යනවා.ඩිම්බකෝෂ, පැලෝපීය නාල ගැටළු , ගර්බාශගත සංකුලතාවයන් සහ මෙම ග්‍රන්ථිවල ක්‍රියාකාරිත්ය පිළිබඳ ගැටළු නිසා දරා ගත නොහැකි අන්දමේ වේදනාවක් ඇති වෙන්න පුලුවන්. ඇතැම් අවස්ථාවලදී Chocolate cyst රෝග තත්වය නිසාත් වේදනාකාරී විදිහට ඔසප්වීම සිද්ධ වෙනවා. එවිට රුධිරය දුඹුරු පැහැති කැටි කැටි විදිහට පිටවෙනවා.
මේ විදිහට ආර්ථව චක්‍රය සිද්ධ නොවෙනවා නම් හෝ වෙනත් අපහසුතාවයක් දැනෙනවා නම් ඒ ගැන විමිසිලිමත් වීම වැදගත්. මේ විදිහට ඇති වෙන අපහසුතාවයන් වෙනුවෙන් ආයුර්වේදයේදී “ආර්ථව ව්‍යාපද්” යනුවෙන් කොටසක් තිබෙනවා. වාතය, පිත, කථ යන තුන්දොස් අතර තිබෙන තුලිතාවය වෙනස් වුනාම ආර්ථව දෝෂ ඇති වෙනවා. ඒ වගේ තත්වයන්හිදී ඔසප් වීමේ වෙනස් කම් ඇති වෙනවා. මෙම දෝෂ අපිට මේ වගේ දකින්න පුලුවන්.
ඒ නිසා ඉහත අපහසුතාවයන් හෝ වෙනස්කම් තිබෙනවා නම් ප්‍රතිකාර ගැනීම අවශ්‍ය වෙනවා. ඔසප් වේදනාව වෙනුවෙන් ප්‍රතිකාරයක් විදිහට කොත්තමල්ලි කබලේ බැදලා කුඩු කර ගෙන රාත්‍රියට උණු වතුරෙන් දමා තියල පහුවදා උදේට වතුර පානය කරන්න. මෙය ඔසප් වීමට දින කීපයකට පෙරාතුව කිරීමෙන් ඔසප් වේදනාව සමනය කර ගන්න පුලුවන්. ඔසප්වීම අතිශය වේදනාකාරී නම් ඒ තත්වය වැනි endometrosis සංකුලතාවයක් විය හැකියි.
ඔසප්වීමේ හමෝන චක්‍රය අනුව ඩිම්බකෝශයෙන් ඩිම්බ පිට වෙන්නේ එක් මාසයක වමෙන් සහ අනෙක් මාසයේ දකුනින් විදිහට මාරුවෙන් මාරුවට යි.සමහර අයගේ බිත්තර එකටෙක ඇලී තිබෙනවා. මේ රෝග තත්වය අද ඉතාම සුලබයි.
ඒ වගේම බාල කාලයේදී ඒ කියන්නේ වයස අවුරුදු 12 ක් වගේ බාල කාලයේදී මල්වර වුන දියණියට ආර්තවය සිද්ධ වෙන්නේ නැති වුනාම අම්මලා කලබල වෙනවා. අවුරුදු 12 දී නිමිති පෙන්නුම් කරල නැවත ඔසප්වීමක් නැති වෙන්න පුලුවන්. මේ වයසේ දරුවන්ගේ ධාතු වර්ධනයේ අඩුපාඩු තිබෙනවා. ඩිම්බ මෝරා නැති වීම,තවත් හේතුවක්. ඒ නිසා වැඩිවියට පත් වෙලා අවුරුද්දක් ගෙවුනා ඔසප් වුනේ නැහැ කියල කලබල විය යුතු නැහැ.
පෝෂණ ඌනතාවය නිසා ආර්තවය පිලිබඳ ගැටළු ඇති වෙන්න පුලුවන්.විටමින් සහ යකඩ ඌනතාවය මේ වෙනුවෙන් බලපානවා. වෛද්‍ය උපදෙස් ලබන්න ඉස්සර අම්මා හොයන්න ඕන මගේ දුව පලා වර්ග කනවාද…? එළවලු, පළතුරු ආහාරයට ගන්නවාද…? මේ සියලු දේ ගැනම විමිසිල්ලෙන් සිටීම වැදගත්. දරුවාගේ උසට සරිලන විදිහට බර තිබෙනවාද…? මේ සියලු කරුණු ඔසප් චක්‍රයේ නීරෝගිතාවය වෙනුවෙන් බලපානවා.
මේ කාලයේ පිරිසිදු බව අනිවාර්යයි. කාන්තාවන්ගේ ප්‍රජනන පද්ධතියේ පිහිටීම අනුව විෂබීජ ඉතාම පහසුවෙන් ඇතුලු වෙන්න පුලුවනි. සමහර කාන්තාවන්ට මේ ප්‍රදේශයේ බිබිලි, දැවිලි සහ කැසීම වැනි තත්වයන් ඇති විය හැකියි.මේ තත්වය ඇති වෙන්නේ රුධිර දෝෂ නිසා.දියණිය අතරත් මේ වගේ අපහසුකම් තිබෙන්න පුලුවන්.
වයස අවුරුදු 50 ක් වැනි කාලය්දී ඔසප්වීම නවතින්න පටන් ගන්නවා. මේ කාලයේදී ලිංගික හමෝන අඩුවෙන්න පටන් ගන්නවා. සමහර අයට විවිධ අපහසුතාවයන් ඇති වෙනවා. ආර්තවහරනය හෙවත් ඔසප්චක්‍රය නවතින බවට විවිධ සලකුණු ලැබෙනවා. මෙතෙක් අක්‍රමවත්ව තිබුන ඔසප් චක්‍රයේ අක්‍රමවත් බවක් ඇති වෙනවා. මාස දෙකකට වරක් වගේ සිද්ධ වෙනවා. ඒ වගේම දේහය උෂ්ණාධික වෙනවා.අධික ලෙස දහදිය දැමීම,නින්ද නායෑම, අනිත් අය නුරුස්නා බව වැනි ලක්ෂණ පහල වෙනවා.මේ කාලයේදී දරුවන් වගේම ස්වාමිපුරුෂයා වුනත් මේ තත්වය තේරුම් ගැනීම වැදගත්. අම්මා එහෙම නැත්නම් බිරින්දෑ දැන් ඔසප් නැවතීමේ සීමාව ඉදිරියේ සිටින නිසා මේ වගේ අපහසුතාවයන් ඇති වෙලා. අපි ඒවා උපේක්ෂාවෙන් ඉවසා සිටීම අවශ්‍ය තේරුම් ගන්න ඕන.
මේ අපහසුතාවයට ප්‍රතිකාරයක් විදිහට නෙල්ලි ගෙඩි දහයක් පමණ අරගෙන ඇට ඉවත් කරල හොදින් බ්ලෙන්ඩ් කර ගෙන පානය කරන්න පුලුවන්.නැවතුන ඔසප් චක්‍රය ඇති කාන්තාවකට විටින් විට ආර්තවය ඇති වුනොත් ඒ තත්වය නොසලකා සිටිය යුතු නැහැ. ඒ වෙනුවෙන් ප්‍රතිකාර ගැනීම අවශ්‍යයි.
Saru FM Media
