ඊශ්රායලය විසින් ඊයේ (17) රාත්රියේ ඉරානයට එල්ලකළ ප්රහාරවලදී ඔවුන්ගේ බුද්ධි අංශ අමාත්ය එස්මායිල් කාතිබ් ද ඝාතනය කිරීමට හැකිවූ බව ඊශ්රායල ආරක්ෂක අමාත්ය ඊශ්රායල් කැට්ස් අද (18) තහවුරු කර තිබේ.
කෙසේ වෙතත් ඉරානය මේ දක්වා ඒ සම්බන්ධයෙන් නිල ප්රකාශයක් සිදුකර නොමැත.
ඉරාන පූජකයෙකු මෙන්ම දේශපාලනඥයෙකු ද වන කාතිබ්, 2021 අගෝස්තු මාසයේ සිට එරට බුද්ධි අංශ අමාත්යවරයා ලෙස කටයුතු කරමින් සිටියේය.
මියයන විට 65වන වියේ පසුවූ කාතිබ්, එම තනතුරට තේරීපත් වූ 8වන පුද්ගලයා විය.
ඊශ්රාලයේ ප්රහාරයකින් ඉරානයේ උත්තරීතර ජාතික ආරක්ෂක කවුන්සිලයේ ලේකම් අලි ලරිජානි ඝාතනය වී ඇති බව ඉරානය විසින් තහවුරු කිරීමෙන් අනතුරුව, ඊශ්රායලය කාතිබ්ගේ ඝාතනයද මෙලෙස අනාවරණය කර තිබේ.
ඉරානයේ නව උත්තරීතර නායක මොජ්ටාබා කමේනි හෝ එරට ඉස්ලාමීය විප්ලවවාදී ආරක්ෂක බළකායේ ඉහළ පෙළේ නායකයින් (10 දෙනෙකු) ගැන තොරතුරු සපයන්නෙකුට අමෙරිකානු ඩොලර් මිලියන 10 දක්වා වූ මූල්ය ත්යාගයක් ලබාදීමට අමෙරිකානු රාජ්ය දෙපාර්තමේන්තුව පසුගියදා තීරණය කර තිබුණි.
එම ලැසිස්තුවට එස්මායිල් කාතිබ්ගේ නමද ඇතුළත්ව තිබුණි.
ඒ අනුව අදාළ ලැයිස්තුවට ඇතුළත්ව සිටි දෙදෙනෙකු මේ වනවිට ඊශ්රායලය විසින් ඝාතනය කර තිබේ.
Saru News
