බංග්ලාදේශය තුළ පවතින සිවිල් නොසන්සුන්තාව, අපරාධ සහ ත්‍රස්තවාදය හේතුවෙන් එරට සිදු කරන සංචාර ගැන යළි සලකා බලන ලෙස අමෙරිකානුවන්ට යළිත් මතක් කර තිබෙනවා.
විදෙස් මාධ්‍ය වාර්තා කළේ සිවිල් නොසන්සුන්තාව, අපරාධ සහ ත්‍රස්තවාදය හේතුවෙන් සංචාර නැවත සලකා බලන ලෙස පුරවැසියන්ගෙන් ඉල්ලා සිටින එක්සත් ජනපද රාජ්‍ය දෙපාර්තමේන්තුව බංග්ලාදේශය සඳහා සංචාරක උපදේශනයක් නැවත නිකුත් කිරීමට ද පියවර ගෙන ඇති බවයි.
චිතගොං කඳුකර ප්‍රදේශ ප්‍රචණ්ඩත්වය සහ පැහැරගැනීම් අවදානම උපුටා දක්වමින් අමෙරිකානු රාජ්‍ය දෙපාර්තමේන්තුව මෙම අනතුරු ඇඟවීම නිකුත් කර තිබෙනවා.
අප්‍රේල් 18 වන දින මෙම නිවේදනය නිකුත් කෙරුණා.
මහා පරිමාණ ගැටුම්වල වාර ගණන අඩු වී ඇතත්, බංග්ලාදේශය පුරා විරෝධතා දිගටම සිදුවෙමින් පවතිනවා.
සාමකාමී සිදුවීම් පවා ඉක්මනින් ප්‍රචණ්ඩත්වය දක්වා වර්ධනය විය හැකි බවට අමෙරිකානු රාජ්‍ය දෙපාර්තමේන්තුව අනතුරු ඇඟවූ අතර සියලුම දේශපාලන සිදුවීම් සහ විශාල මහජන රැස්වීම්වලින් වැළකී සිටින ලෙස සංචාරකයින්ට උපදෙස් දී තිබෙනවා.
Saru FM Media
