අලුත උපන් ළදරුවාට ඉතාම සුදුසු ආරක්ෂිත ආහාරය මව්කිරි වන අතර දරුවාට අවශ්‍ය සියලූ පෝෂණ කොටස් එහි අන්තර්ගත වේ. දරු ප්‍රසූතියෙන් පසු මුල් දින කිහිපය තුළදී මව විසින් නිපදවන ලා කහ පැහැති කිරි කොලෙස්ට්‍රම් ලෙස හඳුන්වයි. මෙය ඉතා ස්වල්ප වශයෙන් නිපදවූවත් අලූත උපන් දරුවාට ප්‍රමාණවත් වේ. සියලූ පෝෂකවලින් අනූන මෙම මුල් කිරි මගින් දරුවා ආසාදන රෝගවලට ගොදුරු වීම වළකයි. එමෙන්ම මෙම කාලයේදී නිපදවන මුල් කිරි සියල්ලම දරුවාට ලබාදිය යුතුයි. දරුවාට මාස 06 සම්පූර්ණ වන තෙක් මව්කිරි පමණක් දීම අනිවාර්ය වේ. මාස 06 න් පසු අමතර ආහාර හඳුන්වා දිය යුතු අතර මව්කිරි දීම අවුරුදු 2 දක්වා හෝ ඊට වැඩි කාලයක් ක්‍රියාත්මක කළ හැකිය.
අලූත උපන් දරුවා මාස 06 සම්පූර්ණ වන තෙක් ප්‍රශස්ථ මට්ටමෙන් වර්ධනය සිදුවීම සඳහා ප්‍රමාණවත් පෝෂක මව් කිරිවල අඩංගු වේ. එමෙන්ම මව විසින් නිපදවනු ලබන මව්කිරි ප්‍රමාණයද දරුවාගේ වර්ධනය සඳහා ප්‍රමාණවත්ය. මව්කිරි මගින් දරුවාට අවශ්‍ය ජලයද ප්‍රමාණවත් ලෙස ලැඛෙන නිසා මෙම කාලයේදී අමතර දියර වර්ග දීම අවශ්‍ය නොවේ. මාස 06 ක් යන තෙක් මව් කිරි පමණක් ලබා දීම නිසා දරුවා ලෙඩ රෝග වලින් ආරක්ෂා වන අතර ආසාත්මික රෝග වලට ගොදුරු වීමේ අවදානම අඩු කරයි.
දරුවා ඉපදී පැයක් ඇතුළත මව්කිරි දීම ආරම්භ කළ යුතුය. දරුවාට අවශ්‍ය සෑම විටම මව්කිරි දිය යුතුය. දරුවාගේ බර මැනීම මාස් පතා සිදු කළ යුතු අතර මෙයින් දරුවාගේ වර්ධනය මැන ගැනීමට පුළුවන. බර වැඩිවීම ප්‍රශස්ථ අයුරින් සිදු නොවේ නම් වෛද්‍ය උපදෙස් ගැනීම සුදුසුය. අමතර ආහාර මාස හයක් වන විට ආරම්භ කල යුතු අතර මව්කිරිදීම අවුරුදු දෙකක් හෝ ඊට වැඩිකාලයක් දක්වා ක්‍රියාත්මක කළ හැක.
මව්කිරි පමණක් දෙන ළදරුවනට අමතර විටමින් හා ඛනිජ ලවණ අවශ්‍ය නොවේ. නොමේරූ හා අඩු බර සහිත දරුවන්හට වෛද්‍ය උපදෙස් මත පමණක් මෙම පරිපූරක විටමින් හා ඛනිජ ලවණ භාවිතා කළ හැක.
අසනීප වූ දරුවාට මව්කිරි දිගටම ලබා දිය යුතුය. දරුවා අසනීප වූ විටදී ප්‍රමාණවත් ලෙස පෝෂණය පවත්වාගෙන යාම ඉතා වැදගත් අතර එමගින් දරුවාගේ සුව වීම ඉක්මන් වේ. තවද මෙම කාලය තුළදී දරුවාගේ වර්ධනය අඩාල වීමද වළකී. එමනිසා දිගටම මව්කිරි දීම කළ යුතු අතර කිරි දෙන වාර ගණන වැඩි කිරීම මගින් දරුවාට නිසි පෝෂණය හා ඉක්මණින් සුවවීම යන ප්‍රතිලාභ අත් වේ.
මව දරුවා සමඟ නොමැති අවස්ථාවල තම මවගෙන් දොවාගත් කිරි දරුවා පෝෂණය කිරීමට භාවිතා කළ හැකිය. දොවාගත් කිරි පැය 06 ක් කාමර උෂ්ණත්වයේද පැය 24 ශීතකරණයක් තුළද (අධිශීතකරණ නොවන කොටස) සුරක‍ෂිතව ගබඩා කිරීමට හැකිය. මෙම දොවාගත් කිරි නැවත දරුවාට ලබා දීමේදී රත් කිරීම සුදුසු නැත. කිරි පෙවීම සඳහා කෝප්පයක් සමඟ හැන්දක් භාවිත කිරීම වඩා යෝග්‍ය අතර සූප්පු සහිත කිරි බෝතල් භාවිතය සම්පූර්ණයෙන් බැහැර කළ යුතුය. මාස හය සම්පූර්ණ වන තෙක් දිගටම මව් කිරි දීම කළ නොහැකි අවස්ථාවක හෝ කිරි දොවා ගැනීමේ හා ගබඩා කිරීමේ අපහසුතා ඇති අවස්ථාවක දරුවා පෝෂණය කිරීම සඳහා අමතර ආහාර මාස හතරෙන් වෛද්‍ය උපදෙස් මත ආරම්භ කළ හැකි අතර පිටිකිරි ලබා දීම සිදු නොකළ යුතුය.
(function(w, d, e, o, a) {
w.__adroll_loaded = true;
w.adroll = w.adroll || [];
w.adroll.f = [ ‘setProperties’, ‘identify’, ‘track’ ];
var roundtripUrl = “https://s.adroll.com/j/” + adroll_adv_id
+ “/roundtrip.js”;
for (a = 0; a
Saru FM Media
